மாதவிலக்கு சுழற்சியை தடம் காண்பதன் முக்கியத்துவதிற்கு நிறைய காரணிகள் உண்டு:

கருவுறல் திட்டமிடல்: மாதவிலக்கு சுழற்சியை தடம் காண்பது பெண்களுக்கு, கருவுறலுக்கு ஏதுவான காலத்தை, அதாவது அவர்கள் உடலுறவு கொள்வதன் மூலம் கருத்தரிக்கும் காலத்தை அடையாளம் காண உதவும். கருமுட்டை வெளியிடும் காலம் எப்போது என்பது அமையும் என்பதை அறிவதன் மூலம் அவர்கள் உடலுறவு காலத்தை திட்டமிட்டு, கருவுறும் வாய்ப்பை அவர்கள் அதிகரிக்கலாம்.

இனப்பெருக்க உடல்நலத்தை கண்காணித்தல்: மாதவிலக்கு சுழற்சியிலான மாற்றங்கள் உள்ளார்ந்த இனப்பெருக்க உடல்நலச்சிக்கல்கள் இருப்பதை குறிக்கலாம். எனவே மாதவிலக்கு சுழற்சியை தடம் காண்பது, மேலதிக மருத்துவ ஆய்வுகள் தேவைப்படும், மாதவிலக்கு சுழற்சியிலான பாங்குகள் மற்றும் மாற்றங்களை கண்டறிய பெண்களுக்கு உதவும்.

மாதவிலக்கு அறிகுறிகளை சீராக்கி நிர்வகித்தல்: மாதவிலக்கு சார்ந்த அறிகுறிகளான, தசைப்பிடிப்பு, உப்புசம் மற்றும் மனநிலை மாற்றங்கள் போன்றவற்றை எதிர்கொள்ளும் பெண்கள், மாதவிலக்கு தடம் காணல் மூலம் இந்த அறிகுறிகள் தோன்றும் காலத்தை அடையாளம் காண முடியும். இந்தத்தகவல், இந்த அறிகுறிகளுக்கு ஏற்ப தங்களை ஆயத்தம் செய்து கொள்ளவும், அவற்றை சீரான முறையில் நிர்வாகம் செய்யவும் அவர்களுக்கு உதவும்.

கடுமையான நிலைமைகளை நிர்வகித்தல்: கடினமான மாதவிலக்கு சார்ந்த நிலைமைகளை கொண்டுள்ள பெண்கள், குறிப்பாக கருப்பை அகப்படல புறவளர்க்கட்டி எனப்படும் எண்டோமெட்ரியோசிஸ் உடையோர் அல்லது கருப்பை நீர்க்கட்டிகள் நோய்க்குறி அல்லது குறைபாடு எனப்படும் பாலிசிஸ்ட்டிக் ஓவரி சிண்ட்ரோம் (PCOS) உடையோர், தங்களது மாதவிலக்கு சுழற்சியை தடம் காண்பதன் மூலம் தங்கள் அறிகுறிகளையும், மருத்துவச்சிகிச்சை திட்டங்களையும் கட்டுப்படுத்தி நிர்வாகம் செய்யலாம். 

பெண்கள் தங்கள் மாதவிலக்கு சுழற்சியை தடம் காண்பதில் உதவ நிறைய கருவிகள் உள்ளன. மாதவிலக்கு தடம் காணும் செயலி, மாதவிலக்கு நாட்காட்டி மற்றும் உடலில் அணிந்துகொள்ளக்கூடிய கருவிகள் போன்றவை அவற்றில் சில. மாதவிலக்கு சுழற்சியை தடம் காண்பதன் மூலம், பெண்கள் தங்கள் உடலைப் பற்றி மேலதிகம் புரிந்துகொள்ளலாம், தங்கள் இனப்பெருக்க உடல்நலம் மற்றும் ஒட்டுமொத்த உடல்நலத்தை தங்கள் கட்டுப்பாட்டில் வைக்கவும் செய்யலாம்.